يا مصرى .....

اوعى يامصــرى تبات فى يــــــوم مهمــــــــوم
لو أخدوا ضـرايب على بيتـــك أوحتى الهـــدوم
صلى لربك وزكـى وحـــج واتقرب بصـــــــوم
الدنيا فانيه وغير وجه ربك الكريم لاشئ يـــدوم

***************
لو لقيت واحد وشفته كمان فى يوم بيرتــــــــشى
هتقول له ايه ان كان لا بيخاف ولا بيختــــــــشى
وانتى يا أختى اشترى كارت ونمره أوام خربشى
لو قالوا لأ للنقاب وسابوا اللى لابسه شفتـــــــشى
**********
وانـــت يا ابنى لو مالقـــيـــت حــق كشف العياده
ولو ماعرفت أشترى لك جزمه أو كتـشى أو بياده
خليـــك صــــابر وادعـــى ربـــك فــى كل عباده
واحـــمد ربــــك دا الرضــــا أســـاس الســعــاده

**********
والكوســـه لــو كــتــرت وبقـــت حــــتى ببلاش
هــتـــعـــمـــل انتكـــاسه مــــا هتعمــــل انتعاش
يـــارب تتطـهـــر بلدنـــا مــن كل مجرم غشاش
ويوصل كــــل قــطــر ان كـان سريع أو قشاش
**********
وانت كــمــان لـــو هدوا عليــك فـــى يوم البيت
اوعــى تــقــول يــارتنى من البلد هربت وهجيت
دا البلد كلهــا خيــر وهتلاقـى عيش وسكر وزيت
بــس اوعــى انــت تكـون من الهم خلاص مليت
**********
لو فشلت فـى يوم فى تدبير تكـــــاليف الجـــوازة
اوعى تشيـل الهم وتفكر فى مصــاريف الجنــازة
هى سنيـــــن بتــمــــر بــس مــن عـنــق الازازة
والعيب عيبك لانك ما رضعت الانتماء فى بزازة
**********
وانــت يــا صــاحبى لــو كــبدك غيــرك بيدمره
اوعــى تــفــكــر وعــقــلــك كـمان بالفكر تحيره
منين هتجيب مصاريف جــــراح لــك يــغــيــره
ادعــى مــن قلبك كــل فاسد نار فساده تحـــــرقه
******************************** منقول

اللهم اهدى المسليمين وى المسليمات

هما مين و احنا مين

هما مين واحنا مين

هما الأمرا والسلاطين

هما المال والحكم معاهم

واحنا الفقرا المحكومين

حزر فزر شغل مخك

شوف مين فينا بيحكم مين



احنا مين وهما مين

احنا الفعلا البنايين

احنا السنة واحنا الفرض

احنا الناس

بالطول والعرض

من عافيتنا تقوم الارض

وعرقتنا يخضر بساتين

حزر فزر شغل مخك

شوف مين فينا

بيخدم مين

هما مين واحنا مين



هما الامرا والسلاطين

هما الفيلا والعربيه

والنساوين المتنقيه

حيوانات استهلاكيه

شغلتهم حشو المصارين

حزر فزر شغل مخك

شوف مينا فين بياكل مين

احنا مين وهما مين



احنا قرنفل على ياسمين

احنا الحرب حطبها ونارها

واحنا الجيش اللي يحررها

واحنا الشهدا ف كل مدراها

منتصرين او منكسرين

حزر فزر شغل مخك

شوف مين فينا بيقتل مين

هما مين واحنا مين



هما الامرا والسلاطين

هما مناظر بالمزيكه

والزفة وشغل البولوتيكا

ودماغهم طبعا استيكه

بس البركه في النياشين

اللهم اهدينا واهدى المسلمين جميعا