من مصرية عربية إلى كل من أساء إلى مصر وإلى كل أبناء بلدها

من مصرية عربية إلى كل من أساء إلى مصر وإلى كل أبناء بلدها

يلى مش عارفين مصر ومش عارفين مين المصريين
إسالوا تاريخ بلادكم يقولكم إحنا مين
أنا مش هقول إسألوا تاريخ بلادى
أنا هقولكم إسألوا تاريخ بلادكم .. يقولكم إحنا مين
هتلاقوا صفحات تاريخكم تقول دُول المصريين
وكل حتة فى أرضكم تقولكم إحنا مين
إحنا الفلاحين ونتباهى بكده
كُرماء وطيبين وما نعرف غير كده
وإحنا الصعايدة الجدعان المتأصلة
اللى جعلوا منكم فرسان متحررة
ولو كنتم نسيتوا تاريخ بلادكم
فروحوا لجيوش بلادكم وإسألوها عننا
مين اللى علمهم الرماية على الهدف
ومين اللى جعل منهم رجال تدافع عن البلد
ومين اللى عرفهم إذاى الجيش بيتبنا
إحنا فرسان النيل كُرماء وطيبين
فرسان متأصلين
ودلوقتى جايين تقولوا ضُعفاء وفلاحين
يكفينا إنكم وقت الشدة بتيجوا لينا مهزومين
ومش بتلاقوا غير حضن بلادنا ليكم فاتح إيديه
ده إحنا اللى رغم كل اللى شوفناه على مر العصور
قلوبنا حية بذكر الله وبكلام الرسول
وبنعمل بالأية الكريمة اللى بتقول
أدفع بالتى هى أحسن
يعنى عدم ردنا على اى كلام يتقال
مش ضعف ولا قلة حيلة ولا خوف
إيماننا بالله وقلوبنا اللى عمرانة بذكراه
بتخلينا نسامح وننسى الإساءة ونقول
يا رب أنت موجود
وشوف إحنا بنعمل أيه مع إخوانا
وهما بيقولوا ايه عنا
لا نقدر نعيب فى إخوانا
ولا نقدر نرفع فى وجوهم سلاحنا
ده مهما كان كلنا إخوات
يا رب أهدى العاصى فينا
ورُد لمن ضلوا الطريق عقولهم
وخلى تاريخهم يفكرهُم
باللى عملناه عشانهم
وإن كانوا نسيوا تاريخ بلادهم
ونسيوا اللى عملناه عشانهم
يبقى بعد كده على أيه نلومهُم
وليه نلومهُم
ويكفينا إحنا المصريين
إننا رغم إحتلال كل المُحتلين
ظلينا بأخلاقنا ورُجولتنا مُتمسكين
وبعزة نفسنا وكرامتنا محافظين
وتاريخنا وتاريخ كل الدول علينا شاهدين

إمضاء

حنين الروح

مصرية عربية

حبيب رسول الله الخميس نوفمبر 26, 2009 5:53 am

تقبلس مروري اختي المصريه حنين , ولكي ولكل شعب مصر هذه الانشوده
:::::
والله زمــان يـا سـلاحـي اشتـقـت لـك في كـفـاحي

انطق وقـول أنـا صاحـي يــا حــرب والله زمــان

والله زمـان ع الجــنــود زاحفة بـتـرعـد رعـود

حالـفة تـروح لم تـعـود إلا بـنـصــر الـزمــان

همـوا وضـمـوا الصـفـوف شيلوا الحياة ع الكفوف

ياما العدو راح يـشـوف منكـم في نـار المـيـدان

يـا مجـدنـا يـا مجـدنـا يا اللي اتبنـيت عندنا

بـشـقــانـا وكــدنــا عـمـرك مـا تبقى هـوان

الشعب بيزحـف زى النور الشعب جبال الشعـب بحور

بركان غضب بركان بيفور زلزال بيـشق لهم في قبور